Шүүхийг хэн Шүүх вэ? :|: Бие даасан, Хариуцлагатай шүүхийн төлөө

Шүүхийг хэн Шүүх вэ?

Бие даасан, Хариуцлагатай шүүхийн төлөө

     Сүүлийн үед Эрүүгийн хэргийн шийдвэрлэлтэд хэвлэл мэдээлэл, тодорхой ашиг сонирхлын нэгдэл, олон нийтийн зүгээс ихээхэн шүүмжлэлтэй хандах боллоо.
     Хувь хүн миний бодлоор: шүүх, шүүгч бол "бусад бүх л төрийн байгууллага, албан тушаалтны адил" бодитой, шударга, оновчтой, үндэслэлтэй шүүмжлэлийн обьект байх ёстой нь мэдээж. Үүнтэй хэн ч маргахгүй байх. Өөрөөр хэлбэл шүүхийг шүүмжлэх нь ердийн зүйл.
     Харин шүүхийг шүүж, улмаар хариуцлага тооцох (~~яллах~~) гэж байгаа бол өөр зүйл, ингэхийн тулд "гэм буруутайг нотлох" шаардлага гарах болов уу. Мөн гэм буруутан нь хэн нэгэн эсхүл хэсэг нэр бүхий хүн байх ёстой болохооос биш "шүүх" гэсэн эзэн биегүй тогтолцоо байх ёсгүй. Үүнтэй холбогдуулан юуны түрүүнд "шүүхийг шүүх эрх" хэнд байх вэ эсхүл хэн нэгэнд байх ёсгүй юу гэдэгт хариулах шаардлагтай юм шиг санагдаж байна.
Шүүх, шүүгчийг ёс зүйн хувьд, мэдлэг мэргэжлийн хувьд "хянадаг" этгээд тус тусдаа байдаг. Эдгээр нь шүүхийн ёс зүйн хороо, мэргэшлийн хороо, дээд шатны шүүх юм. Харин шүүгч эрүүгийн хэрэг үйлдсэн бол эрүүгийн байцаан шийтгэх хуулийн дагуу "мөрдөн шалгагдаж" гэм буруутай нь тогтоогдвол ял эдлэх нь зүйн хэрэг. Ер нь бол мэргэшлийн хороо, ёс зүйг хорооны үйл ажиллагаа, бүрэлдэхүүний тухайд бол энд тэнд улс орнуудад одоогийн манайд байгаагаас арай дээр хувилбар, туршлагууд байдаг л юм шиг билээ. Улам боловсронгуй болгох тухайд шүү дээ. түүнээс байгаа бүхнээ, хүрсэн бүхнээ үгүйсгэхийн өвчтэйдээ биш.
     Шүүх шударга байх нь бүх нийтийн сонирхол /үүнийг манйа Үндсэн хуулийн зарчмаасхарж болно/, харин зөвхөн өөрийнх нь хүслээр /буюу "тэдний шалгуураар шударга"/ байлгах сонирхол цөөнгүй этгээдэд байдаг.
Шүүмжлэлд Сонингоор ялаа, дарга 2 -ийг алж болно гэдэг шиг байдлаар хандах нь харин аль аль талдаа халтай, үр дүнгүй шахуу, нийгмийг бухимдуулах үндэс болоод байх санагдах юм. Яагаад гэвэл хэрэв тэр шүүгч сонин хэвлэлд гараад байгаа шигээ "авлигад автагдсан, нөлөөнд орсон" бол сонин, хэвлэлд бичээд ч нэмэргүй этгээд байж таарна. Яг л нөгөө алт хийсэн ч, ус хийсэн ч адил илжигний ижил. Үүний оронд тэрхүү нөлөөнд оруулаад эсхүл ороод байх боломжийг бий болгоод байгаа хууль, магадгүй байгууллагын дотоод журам гэх мэтийг өөрчлөх, боловсронгуй болгоход анхаарал, хүчээ тавьж ажиллах нь зүйтэй байна. Харин өөрөө хэн нэгнээс, аль нэгэн бүлэг, магадгүй улс төрийн нам эвсэл, улс төр, эрх мэдэл, эд хөрөнгийн нөлөө бүхий хувь этгээдээс хараат хэвлэл мэдээлэл оршин тогтнож байгаа бол тэрхүү biased хэвлэл мэдээллийн цацаж буй "мэдээлэл" нь улс орны хөгжилд, шүүхийн бие даасан байдалд ноцтой урхагтай төдийгүй Үндсэн хуулийн хямралд хүргэх хортой.
     Нөгөөтэйгүүр шүүхийг "хянаж, зааварлах" биш, харин бие даан, хараат бусаар ажиллахад саад бололгүйгээр хөндлөнгөөс "ажиглаж" /мониторинг хийх/ үр дүнг нь олон нийтэд мэдээлж, хэлэлцүүлж байх чиг үүрэг бүхий ХӨНДЛӨНГИЙН /нийтэд хүлээн зөвшөөрөгдсөн/ байгууллага байх хууль, эрх зүйн зохицуулалт байхгүй байна. Үүнийг бий болгох хэрэгтэй шиг санагдах юм. Би лав шүүхийг 2020 он хүртэл хөгжүүлэх төлөвлөгөөнд ийм санал өгсөн, төсөлд нь оруулсан байх шиг байна лээ, хэрэв тэр хэвээр батлагдвал сайн л байна. Бид өөрийгөө гололгүйгээр "шүүхийг шинэчлэхэд" хэн нэгнээс айж цэрвэх, ичиж зоволгүйгээр зөв сэтгэлээр гар бие оролцох хэрэгтэй билээ. Шүүхийн шинэчлэлийн талаар ярихаар хэн нэгний ажил үүргийг булаан хийх гэж байгаа мэт, эсхүл эсэргүү тэрслүү этгээд шиг хандахгүй байлгүй дээ. Шүүхийн шинэчлэл гэдэг үг хэзээ ч мөнхөд яригдаж байх ёстой. энэ нь зөвхөн нэгэн хэсэгт яригдах ёстой биш, хэзээ ч хэн ч шүүхийн удирдлага байлаа шүүхийн шинэчлэл яригдаж л байх ёстой, учир нь "шүүх" бол нийгмийн бүрэлдэхүүн болохын хувьд үргэлжид мөнхийн "хөдөлгөөн", өөрчлөлт шинэчлэлтийг шаардаж байх болно.
     Бидний хөгжилтэй гэж үздэг улс орнуудад, judicial watchdog эсхүл judicial watch гэх мэт нэрээр шүүх, шүүгч үйл ажиллагаагаа хуульд нийцүүлэн явуулж байгаа эсэхэд хөндлөнгийн ажиглалт хийж, сэжигтэй, алдаатай асуудлыг олон нийтэд мэдээлж, хэвлэл, мэдээллийн анхаарлыг түүнд хандуулж байдаг байгууллагууд ажиллаж хэвшсэн байдаг.

2391 уншигдсан.

Сэтгэгдэл бичихийн тулд нэвтэрсэн байх шаардлагатай. Та бүртгэлгүй бол энд дарж бүртгүүлээд нэвтрээд, бүртгэлтэй бол энд дарж нэвтрээд сэтгэгдэл оруулах боломжтой.

Сэтгэгдлүүд

2012-12-03 -

Бичсэн: Зочин

irgediin shudraga shuuh tanii ene sanaag heregjuuleed ehelchihsiin bishuu
ярзайтал инээх